Berikut merupakan Syair tentang Profile Pondok Pesantren Tahfizhul Qur’an Al-Husna Bukit Raja Wali & PPM Baitul Qur’an yang dikarang oleh Pengasuh Pesantren yakni Dr. KH. Abdul Hamid, M.Pd.I., Al-Hafizh.
PROFIL PPTQ AL-HUSNA BUKIT RAJA WALI & PPM BAITUL QUR’AN
Bismillah miwiti syair meniko
Profil BQ BR podomoro
Sholawat salam katuro
Dateng Musthofa kanjeng nabi kito
Keluargi lan sohabate
Monggo sami Ndereake sunnate
Keranten Kito niki ummate
Mugi-mugi pinaringan syafaate
Qur’an 6236 ayate
114 katah jumlah surate
Dikawiti suroh Al-fatihah
An-nas teng akhire surah
Janji Allah Qur’an gampil di hafalne
Kagem sinten mawon seng ngresakne
Ayat 17, 22, 23 40 unine
Ping sekawan suroh Al-qomar ngendikane
Al-Qur’an niku di awali Ba’ Hurufe
Lan Di akhiri nun ampun supe
Santri niku bakal ayem tentrem uripe
Kedah njogo terus andap asore
Kados Bimo ngaji mareng dewo ruci
Mantep nyantri tanpo ragu marang kiyai
Akhire angsal banyu suci
Seng aran prawito sari
Pondok niki Al-Husna namine
Tabarukan kalian nami garwane
Njeh niku Husnul Fadhilah asmone
Kesainan, kautaman dadi panyuwunane
Al-Qur’an hantarkan urusan poro santrine
Angsal naungan Allah Gustine
Bukit rojo wali dadi tambahane
Ngarep syeikh Abdul Qodir rojo waline
Bukit niku bedo lan unik singkatane
Komplit, inspiratif tawasul dadi lantarane
Dibuka’ murobbi ruhina rintisane
KH. Abdul Hamid asmone
Tahun 84 lahirane
Lan kuto jember asal mulane
Abah abdul halim asma ramane
Ampun ninggal ngaji niku semboyane
Lan siti khodijah asmo ibune
Mugi-mugio abina angsal ridhone
Kiyai Abdul Qodim asmo gurune
Ngangkat drajat tiang sepah slogane
Kiyai Rois Abdillah angsal sanad Qur’ane
Dadio santri kados ragi semboyane
Kiyai Abdul Hamid tafa’ulan asmone
Waliyulloh pasuruan panggenane
Santri kados kelopo niku slogane
Kembang, beluluk, cengker, degan urutane
Santri dadi kelopo dowo wektune
Mugi sedoyo dadi santen perjuangane
Maring kyai As’ad hurmat maulid nabine
Bagi-bagi permen kagem poro santrine
Abina nabung maulid dadi trisnane
Santri BR BQ tabarukan tradisine
Al-Husna bukit rojo wali katah kodene
Enten huruf Ba’ nun, lan wawu ne
Huruf chino lan sak macanne
Mugi saget faham hikmah lan filosofine
Nami kewan sedoyo asramane
Kalian nabi sulaiman arane
Sedoyo niku tafaulane
Mugi-mugi barokah sekabehane
Ugi amanah pondok Baitul Qur’an aranne
Kagem yatim piatu SMA lulusane
Ngafal Qur’an lan program S1 ne
Beasiswa penuh kuliah sak nyantrine
Pondok BQ gadae Abah Fauzi namine
Mugi ndadeaken keberkahane
Lan qobul sedoyo cita-citane
Soho sangkeng Allah angsal ridhone
Bismillah janji betah
Motivasine oleh barokah
Bismillah janji istiqomah
Harapane oleh karomah
Sopo sing nderes niku slogane
Bakal derres rezekine
Ampun namung hafizh gelare
Ampun namung hafizhah gelare
Al-Qur’an Alloh sampun ngendiko
ذَٰلِكَ ٱلْكِتَٰبُ لَا رَيْبَ ۛ فِيه
Monggo nopo mawon seng enten kito
Bukte’ne lan kito yakini
Himmah BQ nami alumnine
Nderes terus sampek anak putune
Teng nggrio niku cita-cita ne
Mugi-mugi angsal loberane
Kito gadah wadah jogo hafalan
Yoiku majelis istimail Qur’an
Kagem sedoyone alumni
Kangge sambung silaturahmi
Monggo eleng2 semar ngendikan
Ampun sedo tanpo aran
Niku nasehat damel sedoyo insan
Mugi sami angsal ridhone pengeran
PPTQ Al-Husna bukit rajawali
Enten miniatur ka’bahe
Mugi kito sami diparingi
Wasilah haji sak umrohe
Sedoyone ayat Kitabullah
Tumibone teng mekkah madinah
Ayate makkiyah lan madaniyah
Mugi sami angsal washilah lan Barokah.